ಪ್ಯಾಷನ್ ಹಾಗೂ ಗಣೇಶ

 
ಹಬ್ಬ ಬಂದೇ ಬಿಡ್ತು.ತಗೋಳಿ ಪಟಾಕಿ,ಸಿಹಿ ತಿಂಡಿ,ಹತ್ತು ಹಲವು ಬಗೆಯ ಸಂಭ್ರಮ. ಎಲ್ಲರಿಗೂ ಹೊಸ  ಹುರುಪು. ಹೌದು ಗಣೇಶನ ಮಹಿಮೆಯೇ ಅಂತಹುದು.ಭಕ್ತಿಯಿಂದ ಆತನನ್ನು ನೆನೆದಲ್ಲಿ  ಆತ ನಮ್ಮ ಕೈ ಬಿಡಲಾರ ಎಂಬ ನಂಬಿಕೆಯಿಂದ ಆಸ್ತಿಕತೆಯು ನಮ್ಮಲ್ಲಿ ಉಳಿದಿದೆ.  ಕಾಲಕ್ಕೆ ತಕ್ಕಂತೆ ಭಕ್ತಾದಿಗಳು ತಮ್ಮ ಶಕ್ತ್ಯಾನುಸಾರವಾಗಿ  ಗಣಪನನ್ನು ಮನೆಗೆ ಕರೆಸಿ ಅಥವಾ ಮನೆಯಲ್ಲಿ ವಿಶೇಷ ಪೂಜೆಯ ಮೂಲಕ ಹಬ್ಬ ಆಚರಿಸುತ್ತಿದ್ದಾರೆ.
                                                    
ಪ್ಯಾಷನ್ ವಿಷಯಕ್ಕೆ ಬರುವದಾದರೆ;
 ನಾನು ಇದುವರೆಗೂ  ಗಣೇಶನ ಬಗೆ ಬಗೆಯ ಕಾರ್ಟೂನ್ ಗಳನ್ನು ಓದಿ ನಕ್ಕಿದ್ದರೆ ಸಂತೋಷದಿಂದಲ್ಲ  ಅದು   ವಿಷಾದದಿಂದ.  

ಬಹುಶಃ ಕೆಲವು ವ್ಯಂಗ್ಯಚಿತ್ರಕಾರರು  ಗಣೇಶನ ಹಬ್ಬಕ್ಕೆ ಕಾಯುತ್ತಿದ್ದರೆನೋ ಎಂಬಂತೆ ಭಾಸವಾಗುತ್ತದೆ.         ಪಾರ್ವತಿಯು ಕೈಲಾಸದಿಂದ ಗಣೇಶನಿಗೆ ನಮ್ಮಲ್ಲಿಯ ಟ್ರಾಫಿಕ್,ಬೆಲೆ ಏರಿಕೆ,ರಸ್ತೆಯ ಹೊಂಡ ಇನ್ನಿತರ ದಿನನಿತ್ಯ ಕಂಡು ಬರುವ ರಗಳೆಯ ಬಗ್ಗೆ ಎಚ್ಚರಿಸುತ್ತಾಳೆ .ಈ ಬಗ್ಗೆ  ಬಿಡಿಸಿದ ಕಾರ್ಟೂನ್ ತಮ್ಮ ಟೇಬಲ್ಲಿಗೆ ಬರುವದೇ ತಡ ಪತ್ರಿಕೆಯವರು ಛಾಪಿಸಿ ಕುಳಿತುಬಿಡುತ್ತಾರೆ.  

ಕೆಲವು ವಿಗ್ರಹ ತಯಾಕರು ಜನಾಗ್ರಹ ಆಥವಾ ತಮ್ಮ ನೈಪುಣ್ಯ ಪ್ರದರ್ಶನಕ್ಕೆ ಬೇಕಾಬಿಟ್ಟಿಯಾಗಿ ಗಣೇಶನನ್ನು ತಯಾರಿಸುತ್ತಿದ್ದಾರೆ ಅದನ್ನು ಜನರು ಕೊಳ್ಳುತ್ತಿದ್ದಾರೆ. (ಉದಾ: ರಾಜಕಾರಣಿ  ಗೆಟಪ್ಪಿನ ಗಣೇಶ,ಮಿಲಿಟರಿ ಬಂಕೂಕುಧಾರಿ ಗಣೇಶ,  ಕ್ರಿಕೆಟ್ ಬ್ಯಾಟ್ ಹಿಡಿದ  ಗಣೇಶ)  ಇದು ಬಹುಶಃ ಹಿಂದೂ ಧರ್ಮದಲ್ಲಿ ಅದೂ ಭಾರತದಲ್ಲಿ ಮಾತ್ರ ಕಾಣಬಹುದೇನೋ? ನಮ್ಮ ಧರ್ಮದ ದೇವರ ವ್ಯಂಗ್ಯಚಿತ್ರವನ್ನು ನೋಡಿ ಇತರರು ನಗುತ್ತಾರೆ.ಅದಕ್ಕೆ ನಾವೂ ನಗಬೇಕೆ? ಗಣಪ ಆ ಮಟ್ಟಿಗೆ ತಮಾಶೆಗೆ ಒಳಪಡುವ ದೇವರೇ? ನಾನು ಉತ್ತರಕ್ಕೆ ಕಾಯುತ್ತಿದ್ದೇನೆ.

ಈ ತರಹದ ನಮ್ಮಲ್ಲಿಯ ಭಾವನೆ ಇರುವದಲಿಂದಲೋ ಎನೋ ವಿದೇಶಗಳಲ್ಲಿ ಚಪ್ಪಲಿ,ಇನ್ನಿತರ ವಸ್ತುಗಳಮೇಲೆ ಹಿಂದೂ ದೇವರ ಚಿತ್ರಗಳ ಪ್ರಕಟನೆಯಾಗುತ್ತಿರುತ್ತದೆ.ಅದರ ಬಗ್ಗೆ  ಆ ದೇಶವಾಸಿ ಭಾರತೀಯರ ಹಮ್ಮಿಕೊಂಡ ಪ್ರತಿಭಟನೆ ಬಗ್ಗೆ ನೀವು ಹಿಂದೆ ಓದಿರಬಹುದು. ಈಗ ಪ್ಯಾಷನ್ ಗೆ ಹೊಸ ಸೇರ್ಪಡೆ. ಅಂತರ್ಜಾಲದಲ್ಲಿ  ಗಣಪನ ಟ್ಯಾಟೂಗಳನ್ನು ಹಾಕಿಸಿಕೊಂಡ ಹೈಕುಳುಗಳ ಚಿತ್ರ!.
ಮಾಧ್ಯಮ, ಹಾಗೂ ವ್ಯಾಪಾರಿ ರಂಗದಲ್ಲಿ ದೇವತೆಗಳನ್ನು ತಮಗೆ ಬೇಕಾದ ಹಾಗೆ ಬಳಸಿಕೊಳ್ಳುತ್ತಿರುವ ಬಗ್ಗೆ ವಿಷಾದವಿದೆ.ನನಗನಿಸಿದಂತೆ ನಮ್ಮ ವ್ಯವಸ್ಥೆಯೇ ಅದಕ್ಕೆ  ಹೊಂದಿಕೊಂಡಂತಿದೆ.

ನೆಟ್ ಚಿತ್ರಗಳು.

 

 

  

ಕಚ್ಚಿದರೆ ಹುಶಾರ್! 

  

ಜಗತ್ತೇ ನಿಮ್ಮ ಮುಂದೆ

 

ರೋಟಿ ಮಾಡುವದು, ಹೀಗೂ ಉಂಟೇ....?

 

ಆಪಲ್ ಐ ಪಾಡ್. ಹಾಡ್ ಕೇಳಿ

  ಅಭಿನವ ಕಾಳಿದಾಸ?

 

ಹೈಯಸ್ಟ್ ರಿಸ್ಕ್ ಪೋಟೋಗ್ರಫಿ.

ಮೃಗಶಿರಾ ಮಳೆ ನಡುವೆ.

  ಮೊದಲಿನಿಂದಲೂ ಕೃಷಿ ಬದುಕಿನಲ್ಲಿ ಮಳೆ ನಕ್ಷತ್ರಗಳು ಹಾಸು ಹೊಕ್ಕಾಗಿವೆ.ಉತ್ತಲು,ಬಿತ್ತಲು ಪಂಚಾಂಗ ಆಧರಸಿ ಹಲವರು ಕೆಲಸ ಆರಂಭಿಸುತ್ತಾರೆ.ಈ ಪದ್ಧತಿ ಈಗಲೂ ನಮ್ಮಲ್ಲಿ ಚಾಲ್ತಿಯಲ್ಲಿದೆ.  ಹಲವು ವರ್ಷಗಳ ಬಳಿಕ ಮಲೆನಾಡನ್ನು ಮೃಗಶಿರಾ ನಕ್ಷತ್ರದ ಮಳೆ ಚನ್ನಾಗಿಯೇ ತೋಯಿಸಿದೆ.ವಾರಗಟ್ಟಲೇ ಬಿಡುವಿಲ್ಲದಂತೆ ಬಂದಿದ್ದು ಎಲ್ಲರಿಗೂ ಖುಶಿಯೇ.ಬಿದ್ದ ಮಳೆ ಭೂಮಿಗೆ ತಾಕುತ್ತಲೇ  ಜೀವ ರಾಶಿಗಳು ಹೇಳಿಕೊಳ್ಳಲಾಗದಷ್ಟು ಸಂಭ್ರಮಿಸಿದೆ. ಗಿಡಗಳಿಗೆಲ್ಲಾ ಹೊಸ ಚಿಗುರು, ಕೀಟ ಪ್ರಪಂಚದ ಕಲರವ. ಹೀಗೆ ಮಳೆಯ ಬಿಡುವಿನ ನಡುವೆ ಕ್ಯಾಮರವನ್ನು ಹಿಡಿದು ಹೊರಟಾಗ ನನ್ನ ಕಲ್ಪನೆಗೆ ಭೂಮಿಯು  ಹೀಗೆ ಕಂಡುಬಂತು.

       "ಮೋಡಗಳ  ಓಟದ ಸಮಯದಿ ಮಬ್ಬೆಳಕು ಭುವಿಗೆಲ್ಲ
        ಜೊತೆಗೆ ಮೆಲ್ಲಗೆ ಹಬ್ಬುತಿಹ ಹಸಿರ ಹೊದಿಕೆಯ ಹಾಸು
         ಕಂಡುಬರುತಿಹುದು ಭುವಿಯು  ಹದಿಹರೆಯದ ಕೂಸು"

                                          ಮಾಡಂಚಿಂದ ಮಳೆಯ ಪಯಣ.

                             ಸಂಜೆ ಬೆಳಕ ಹೊತ್ತಲ್ಲಿ : ಪೂರಾ ಕಲರೂ ಅಲ್ಲದ ಕಪ್ಪು ಬಿಳುಪೂ ಅಲ್ಲದ ಚಿತ್ರ.

                                      ಹಸಿರ ಬಟ್ಟಲೊಳು ಮಳೆಹನಿಗೆ ತುಸು ಕಾಲ ವಿಶ್ರಾಂತಿ. 

                                   ಬಿದಿರ ಬದುಕಿಗೆ ಮೋಡದ ಮುಸುಕಿಂದ ಸೂರ್ಯನ  ಮೃದು ಸ್ಪರ್ಷ. 

                                                 ಹಸಿರ ವೇದಿಕೆ ಮೇಲೆ ಹನಿಯ ನರ್ತನ.

                                            ಮಳೆ ಬರುದ್ರೊಳ್ಗೆ ಕೆಲ್ಸಾ ಮುಗೀಲಿ.

ಯಕ್ಷಗಾನದ ಛಾಯಾಚಿತ್ರ

 (ಚೌಕಿಯಲ್ಲಿ ಗಣಪತಿ ಪೂಜೆಯ ವೇಳೆ)



 ಮೊದಲಿನಿಂದಲೂ ಯಕ್ಷಗಾನವೆಂದರೆ ಒಂತರಾ ಸೆಳೆತ.ದೂರದಲ್ಲಿ ಚಂಡೆ ಮದ್ದಳೆ ಸಪ್ಪಳ ಕೇಳಿದಾಗ ಪುಳಕ.ಹಾದಿ ಬದಿಯ ಗೋಡೆಗೆ ಅಂಟಿಸಿದ ಪೋಸ್ಟರುಗಳು ನನ್ನನ್ನು ಆಟಕ್ಕೆ ಸೆಳೆದು ಒಯ್ಯುತ್ತದೆ.

ಮೊನ್ನೆ ಆಗಿದ್ದೂ ಅದೇ. ಇರಲಿ , ಅಪರೂಪಕ್ಕೆ ಟೆಂಟ್ ಮೇಳದ ಆಟ ನೋಡುವ ಅವಕಾಶ ಸಿಕ್ಕಿತ್ತು. ಆ ಹೊತ್ತಿನಲ್ಲಿ ಕೆಲ ಚಿತ್ರ ತೆಗೆದಿದ್ದು ಈಗ ನಿಮ್ಮ ಮುಂದಿದೆ.

ಅಳಿಯುವ ಮುನ್ನ

ಅಳಿಯುವ ಮುನ್ನ.


ನಿನ್ನೆ ಹಾಕಿದ ಕನಸ ರಂಗೋಲಿ
ಇಂದು ಹೆದರುತಿದೆ ತನ್ನ ಬದುಕ ಕಂಡು
ಲೆಕ್ಕವಿಟ್ಟು ಪ್ರೀತಿಯಿಂದ ಚುಕ್ಕೆ ಇತ್ತು
ಮನೆಯಂಗಳದಲ್ಲಿ ಮಿನುಗಿದ್ದ ನೀನು
ಆಡುವ ಕಂದಮ್ಮನ ಓಡುವ ಮಂದಿಯ 
ಅಡಿಯಲ್ಲಿಯೇ ಸಿಕ್ಕೆ  ಅದು ಹಣೆಬರಹ.
ಹೊಳೆವ ಬಣ್ಣದಿ ನೀನ್ ಕಣ್ಸೆಳೆದು
ಗುಡಿಸುವ ಪೊರಕೆಗಂಜುವೇಕೀಗ?
ತಿಳಿ ನೀನ್ ನಿನ್ನ ಬದುಕಿನ ಪರಿಯ
ಅಳಿಗೆ ಅಂಜದೇ ಮುಂದೆ  ಬಾಳು.

ಶಿರಸಿ ಜಾತ್ರೆ.

ಕಪ್ಪೆರಡೋ ಬಿಳಿಮೂರೋ ಯಾವುದೋ ಒಂದು ಶೃತಿಯಲ್ಲಿ ಕೊಳಲುಮಾರುವ ಹುಡುಗ "ಹೊಸ ಗಾನಾ ಬಜಾನ" ಎಂಬ ಇತ್ತೀಚಿಗಿನ ಸಿನಿಮಾ ಹಾಡು ಹೊಮ್ಮಿಸಿ ಕೊಳ್ಳುವವರಿಗೆ ಕಾಯುತ್ತಿದ್ದಾನೆ. ಸೇಲ್ ಎಂಬ ಬೋರ್ಡ್ ಹಾಕಿಕೊಂಡು ಬೊಬ್ಬಿಡುವ ವ್ಯಾಪಾರಿಗಳು. ಬಳೆ ಇನ್ನಿತರ ಸಾಮಗ್ರಿ ಕೊಳ್ಳಲು ಬಂದ ಹೆಂಗಳೆಯರ ದಂಡು. ಮಾರಿ ಚಪ್ಪರದ ಹತ್ತಿರ ಸಿಹಿತಿಂಡಿ ವ್ಯಾಪರಿಗಳಲ್ಲಿ ಕರಿದು ಹಾಗೇಯೇ ಮಾರಾಟ ವಾಗುತ್ತಿರುವ ಜಿಲೇಬಿ!. ಇದು ನಾನು ಶಿರಸಿ ಜಾತ್ರೆ ಯಲ್ಲಿ ಕಂಡ ಸನ್ನಿವೇಶಗಳು. ಜನರಲ್ಲಿ ದೇವರಮೇಲೆ ಎಷ್ಟು ಭಯ ಭಕ್ತಿ ಇದೆ ಎಂದುನೋಡುವದಾದರೆ ಇಲ್ಲಿಗೆಬರಬೇಕು.

ನಾನಾ ರೀತಿಯ ಸೇವೆ, ಹರಕೆಗಳನ್ನು ಸಲ್ಲಿಸಲು ಕರ್ನಾಟಕದ ಹೊರತಾಗಿ ದೇಶದ ಹಲವು ರಾಜ್ಯದ ಭಕ್ತಾದಿಗಳು ಮಾರಿಕಾಂಬೆಗೆ ನಡೆದುಕೊಳ್ಳುತ್ತಾರೆ. ಜಾತ್ರೆ ಎಂದರೆ ಕೇಳಬೇಕೆ? ಕಿಲೋಮೀಟರುಗಟ್ಟಲೆ ಅಂಗಡಿಸಾಲುಗಳು,ಮನೋರಂಜನಾ ಆಟಗಳು, ನಾಟಕ, ಸರ್ಕಸ್ ಯಕ್ಷಗಾನಗಳು ನೋಡಲು ಬಂದವರಿಗೆ ಖುಷಿ ಕೊಡುತ್ತಿವೆ. ನಾನು ಚಾಟಿನಲ್ಲಿ ಸಿಕ್ಕ ಸ್ನೇಹಿತರಲ್ಲಿ ಜಾತ್ರೆಯ ಪೂರ್ತಿ ಅನಾವರಣ ಮಾಡುವದಾಗಿ ಹೇಳಿಕೊಂಡಿದ್ದೆ. ಅನಿವಾರ್ಯಕಾರಣಗಳಿಂದ ಸಂಜೆಯ ಜನಜಂಗುಳಿ, ಹಾಗೂ ಕರೆಂಟ್ ಬೆಳಕಿನಲ್ಲಿ ರಾತ್ರಿಯ ಚಿತ್ರ ತೆಗೆಯುವ ಅವಕಾಶ ನನಗೆ ಮಿಸ್ ಆಗಿದೆ. ಜಾತ್ರೆಯಲ್ಲಿ ನನಗೆ ಸಿಕ್ಕ ಅರ್ಧಗಂಟೆಯಲ್ಲಿ ಇಷ್ಟನ್ನೇ ಹಂಚಿಕೊಳ್ಳುತಿದ್ದೇನೆ. ಒಟ್ಟಿನಲ್ಲಿ ಶಿರಸಿ ಪೇಟೆಯು ಮಾರಿಜಾತ್ರೆಯ ನೆಪದಲ್ಲಿ ಲಕ್ಷಾಂತರ ಜನರ ಮನಸಿನಲ್ಲಿ ಅಚ್ಚಳಿಯದೇ ಉಳಿದಿದೆ.

ಸೇಲ್, ಸೇಲ್ ಸಸ್ತಾ! ಭಾರಿ ಮಾರಾಟಾ.

ನಾ ಬಾರ್ಸೊ ಪದ್ಯಾನಾ ಕೇಳೊರು ಯಾರು?

ಹೌದಪಾ,ಜಾತ್ರೆ ಅಂದ್ರೆ ಎಲ್ಲರಿಗೂ ಅಚ್ಚು ಮೆಚ್ಚು .

ವೆನಿಸ್ಸಿನ ವ್ಯಾಪಾರ -ನಾಟಕದ ವಿಮರ್ಶೆ.

ವಿಲಿಯಂಶೆಕ್ಸಪಿಯರಗೆ ಹೆಸರು ತಂದುಕೊಟ್ಟನಾಟಕಗಳಲ್ಲಿ ವೆನಿಸ್ಸಿನ ವ್ಯಾಪಾರವೂ ಒಂದು.ಸಾಗರದ ನೀನಾಸಂ ತಂಡವು ಮಂಚಿಕೇರಿಯಲ್ಲಿ ಈ ನಾಟಕವನ್ನು ಇತ್ತೀಚೆಗೆ ಪ್ರದರ್ಶಿಸಿತು.ಕಥಾ ಸಾರಂಶ:ಆಂಟೊನಿಯೊ ಮತ್ತು ಬಸಾನಿಯೋ ಮಿತ್ರರು. ಮಿತ್ರ ಬಸಾನಿಯೋಗೆ ಆತನ ಪ್ರೀತಿಸಿದ ಹುಡುಗಿಯನ್ನು ಭೇಟಿಯಾಗಲು ಹಣದ ಅವಶ್ಯವಿರುಗಾಗಿ ಆಂಟೊನಿಯೊ ಪ್ರೀತಿಯ ಗೆಳಯನಿಗಾಗಿ ಜಾತೀಯ ಸ್ವಾಭಿಮಾನ ಬಿಟ್ಟು ಯಹೂದಿ ಒಬ್ಬನ ಹತ್ತಿರ ಸಾಲಪಡೆಯುತ್ತಾನೆ.ಯಹೂದಿ ಶೈಲಾಕ್ ನು ಸಾಲದ ಜಾಮೀನಿಗೆ ಆಂಟೊನಿಯೊನ ಒಂದು ಶೇರುಮಾಂಸ ಪಡೆಯುವದಾಗಿ ಕರಾರು ಆಗುತ್ತದೆ. ಹಡಗಿನ ವ್ಯಾಪಾರಿ ಆದ ಆಂಟೊನಿಯೊ ಸಮಯಕ್ಕೆ ಸರಿಯಾಗಿ ಸಾಲ ಹಿಂದಿರುಗಿಸಲಾಗದೇ ಕರಾರಿನ ಪ್ರಕಾರ ದೇಹತ್ಯಾಗ ಮಾಡುವ ಸನ್ನಿವೇಶ ಬರುತ್ತದೆ.ಅಷ್ಟರಲ್ಲಿ ಆತನ ಗೆಳೆಯ ಬಸಾನಿಯೊ ಪ್ರೇಯಸಿಯ ಮನ ಗೆದ್ದು ಅವಳಿಗೆ ಮಾತು ಕೊಟ್ಟಂತೆ ಅವಳ ನೆನಪಿನ ಉಂಗುರ ಜೊತೆಗೆ ಅಪಾರ ಹಣದೊಂದಿಗೆ ಆಂಟೊನಿಯೊನ ಋಣತೀರಿಸಲು ವೆನಿಸ್ಸಿಗೆ ಮರಳುತ್ತಾನೆ. ನಾಟಕಕಾರ ಇಷ್ಟಕ್ಕೇ ಸುಮ್ಮನಿರದೇ ಹೊಸ ತಿರುವು ಕೊಡುತ್ತಾನೆ.ಅಪಾರ ಹಣವನ್ನು ಕೊಟ್ಟಹುಡುಗಿಯು ತನ್ನ ಪತಿಯು ವೆನಿಸ್ಸಿಗೆ ತಲುಪುವ ಮುನ್ನ ಅಲ್ಲಿಸೇರುತ್ತಾಳೆ.ಕರಾರಿನ ಹಕ್ಕು ಪಡೆಯಲು ಯಹೂದಿ ಶೈಲಾಕ್ ನು ನ್ಯಾಯಲಯಕ್ಕೆ ಮೊರೆಹೋಗುತ್ತಾನೆ.ಅವಳು ನ್ಯಾಯವಾದಿಯ ವೇಷದಲ್ಲಿ ಆಂಟೊನಿಯೊ ನ ಮಾಂಸ ತೆಗೆಯಲು ಅಡ್ಡಿಇಲ್ಲ ಆದರೆ ಮಾಂಸತೆಗೆಯುವಾಗ ಒಂದು ಹನಿ ರಕ್ತ ಬೀಳಬಾರದು ಎಂದು ಕರಾರಿನಲ್ಲಿದ್ದ ಲೋಪ ಎತ್ತಿಹಿಡಿದು ದುರಾಸೆಯ ಯಹೂದಿಯ ಯೋಜನೆ ತಲೆಕೆಳಗೆ ಮಾಡಿ ಗಂಡನ ಗೆಳೆಯನನ್ನು ಸಾವಿನಾಂಚಿನಿಂದ ರಕ್ಷಿಸುತ್ತಾಳೆ.ವಕಾಲತ್ತಿನ ಸಂಭಾವನೆಯಾಗಿ ಅವಳೇಕೊಟ್ಟ ಉಂಗುರ ಕೇಳಿ ಆತನನ್ನು ಪೆಚಿಗೆ ಸಿಲುಕಿಸಿ ಪರೀಕ್ಷೆಗೆ ಒಡ್ಡುತ್ತಾಳೆ.ನಂತರ ಎಲ್ಲವೂ ಸುಖಾಂತ್ಯ. ಈ ನಾಟಕದಲ್ಲಿ ಜಾತೀಯ ಸಂಘರ್ಷ,ವ್ಯಾಪಾರಿ ಬದುಕು,ಸುಂದರ ಪ್ರೇಮಕಥೆ ಈ ಮೂರೂ ವಿಷಯವನ್ನು ಚನ್ನಾಗಿ ಬಳಸಿಕೊಳ್ಳಲಾಗಿದೆ.ನವಿರಾದ ನಿರೂಪಣೆ ಚಕಚಕ ಸಾಗುವ ದೃಶ್ಯಾವಳಿ ನೋಡುಗರಿಗೆ ಸಮಯ ಸರಿದಿದ್ದು ಗೊತ್ತಾಗದಂತೆ ಮಾಡುತ್ತವೆ.ಉಡುಗೆಯ ಆಯ್ಕೆ ಒಂದು ಹೊರತು ಪಡಿಸಿದರೆ ಸರಳ ರಂಗ ವಿನ್ಯಾಸ ,ಪಾಶ್ಚಾತ್ಯಹಾಗೂ ದೇಸಿಯ ಮಿಶ್ರಣದ ಹಿನ್ನಲೆ ಸಂಗೀತ ನಾಟಕವು ನೋಡುಗರಿಗೆ ಒಂದುತರಹದ ಆಹ್ಲಾದತಂದುಕೊಟ್ಟಿತು ಎಂದರೆಅದುಅತಿಶಯೋಕ್ತಿಎನಿಸಲಾರದು

. ಚಿತ್ರಕೃಪೆ :ನೀನಾಸಂ