ಶುಕ್ರವಾರ, ಜೂನ್ 10, 2011

ಮಾವಿನಕಾಯಿಯ ಪಾರಂಪರಿಕ ಮೌಲ್ಯವರ್ಧನೆ.


ಉತ್ತರ ಕನ್ನಡ ಜಿಲ್ಲೆಯ ಪಶ್ಚಿಮ ಘಟ್ಟದ ಸಾಲುಗಳಲ್ಲಿ
ಪಾರಂಪರಿಕವಾಗಿ ಬೆಳೆದು ಬಂದ ಮಾವಿನಮರಗಳು ತಮ್ಮದೇ ಆದ ಹಲವಾರು ವಿಷೇಶತೆ ಹೊಂದಿದೆ . ಸಾಸ್ಮೆಮಾವು,ಅಪ್ಪೆಮಾವು,ವರಟೇ ಗಿಡುಗ, ಕರಿ ಈಷಾಢ  ಹೀಗೆ ಹಲವಾರು ತಳಿಯ ಮಾವಿನ ಮರಗಳನ್ನು ನಾವು ಸಾಮಾನ್ಯವಾಗಿ ಕಾಣಬಹುದು. ಈ ವಿಡಿಯೋದಲ್ಲಿ  ತಲತಲಾಂತರದಿಂದ ಹವ್ಯಕ ಸಮುದಾಯದವರು ಮುಂದುವರಿಸಿಕೊಂಡು ಬಂದಂತಹ  ಕೊಸಗಾಯಿ ಎಂಬ  ಬಗೆಯ ಮಾವಿನ ಕಾಯಿಯ ಸಂಸ್ಕರಣೆಯ ವಿಧಾನವನ್ನುನೀವು ನೋಡಲಿದ್ದೀರಿ.ಕೊಸಗಾಯಿ ತಳಿಯ ಮಾವಿನಮರವು ಇಲ್ಲಿನ ಊರು ಕೇರಿಗಳಲ್ಲಿ ಸಾಮಾನ್ಯವಾಗಿ ಇದ್ದೇ ಇರುತ್ತದೆ. ಇದರ ಕಾಯನ್ನು ಒಮ್ಮೆ ಬೇಯಿಸಿ ಶೇಖರಿಸಿ ಇಟ್ಟುಕೊಂಡಲ್ಲಿ ವರ್ಷಗಳತನಕ ಮಾವಿನ ಕಾಯಿಯ ಬಗೆ ಬಗೆಯ ಅಡುಗೆಯನ್ನು ಮಾಡಿಕೊಳ್ಳಬಹುದು.ಮಲೆನಾಡ ವೈವಿಧ್ಯವನ್ನು ತೋರಿಸುವಲ್ಲಿ ಒಂದು ಚಿಕ್ಕ ಯತ್ನವಿದು.
ಜಗದೀಶ. ಬಾಳೆಹದ್ದ.

ಬುಧವಾರ, ಜೂನ್ 1, 2011

ಇನ್ನು ಮೂರೇ ದಿನಕ್ಕೆ ಇನ್ನೊಂದು ಕ್ರಾಂತಿ ?



ಜೂನ್ ೧: ಬಾಬಾ ರಾಮ್ ದೇವ್ ರವರಭಾರತ್ ಸ್ವಾಭಿಮಾನ್ ಯಾತ್ರೆಯು  ಭಾರತ್ ಸ್ವಾಭಿಮಾನ್ ಯಾತ್ರೆ ಯಾತ್ರೆಯು ಕೊನೆ ಗೊಳ್ಳುವ ಹಂತಕ್ಕೆ ಬರುತ್ತಿದ್ದಂತೆ ಕೇಂದ್ರ ಸರಕಾರಕ್ಕೆ ತಲೆನೂವು ಶುರುವಾಗಿದೆ. ಈಗಾಗಲೆ ಜನಲೋಕಪಾಲ ವಿವಾದ ಬಿಸಿ ಇರುವಾಗ ಬಾಬಾ ರಾಮ್ ದೇವ್ ಸಿಂಹ ಸ್ವಪ್ನವಾಗಿ ಕೆಲವರಿಗೆ ಕಾಣತೊಡಗಿದ್ದಾರೆ. ಅವರದು ಒ0ದೇ ಹಟ. ಕಪ್ಪು ಹಣ ಮರಳಿ ಬರಲಿ. ಇದಕ್ಕಾಗಿಯೇ ಹಲವಾರು ತಿಂಗಳಿನಿಂದ ಉಚಿತ ಯೋಗ ಶಿಬಿರವನ್ನು ದೇಶದ ಮೂಲೆ ಮೂಲೆಯಲ್ಲಿ ಆಯೋಜಿಸುತ್ತಾ ಜನರಲ್ಲಿ ಸಾಕಷ್ಟು ದೇಶಾಭಿಮಾನವನ್ನು ಹುಟ್ಟು ಹಾಕಿದ್ದಾರೆ. ಇದೇ ಬರುವ ೪ ನೇ ತಾರಿಖಿಗೆ ದೆಹಲಿಯ ರಾಮ್ ಲೀಲಾ ಮೈದಾನದಲ್ಲಿ  ತಮ್ಮ ಲಕ್ಷಾಂತರ ಅಭಿಮಾನೀ ಬೆಂಬಲಿಗರ ಜೊತೆ ಉಪವಾಸದ ಸತ್ಯಾಗ್ರಹದ ಮೂಲಕ ಕಪ್ಪು ಹಣದ ವಾಪಸಾತಿಗೆ   ಸಜ್ಜಾಗಿದ್ದಾರೆ. ಹೆಚ್ಚು ಪ್ರಚಾರ ಬಯಸದ ಬಾಬಾ ರಾಮ್ ದೇವ್ ತಮ್ಮ ಯೋಗದ ಮೂಲಕ ಜನಪ್ರೀಯವಾಗಿದ್ದು ಭಾರತೀಯ ಇತಿಹಾದಲ್ಲಿ ಅಚ್ಚಳಿಯದೇ ಉಳಿಯುವ ವಿಷಯ. ಎಲ್ಲ ತ್ಯಜಿಸಿದ ಸನ್ಯಾಸಿ ಈಗ ಹಿಡಿದ ಪಟ್ಟು ಬಿಡದೇ ಕಪ್ಪು ಹಣ ಹಾಗು ಭ್ರಷ್ಟಾಚಾರದ (ಭ್ರಷ್ಟಾಚಾರ ವೆಂದರೆ  ತಾನುಮಾಡುವ  ಆಚಾರದಲ್ಲಿ ತಪ್ಪು ರೀತಿಯಲ್ಲಿ ನೆಡೆದು ಕೊಳ್ಳುವದು ಎಂದರ್ಥ.ಲಂಚ ಕೊಡುವದು/ತೆಗೆದು ಕೊಳ್ಳುವದು,ತೆರಿಗೆ ತುಂಬವದನ್ನು ತಪ್ಪಿಸಿಕೊಳ್ಳುವದು ಇವೆಲ್ಲವೂ ಭ್ರಷ್ಟಾಚಾರವೇ.)
ವಿರುದ್ದ  ಮಾಡುತ್ತಿರುವ ಹೋರಾಟ ಜನಸಾಮಾನ್ಯ ರಲ್ಲಿ ಕುತೂಹಲಕ್ಕೆ ಕಾರಣವಾವಾಗಿದೆ. ಎನೇ ಇರಲಿ ಬಾಬಾ ರಾಮ್ ದೇವ್ ರವರು ಭ್ರಷ್ಟಾಚಾರರೂಪಿ  ಮದ್ದಾನೆಗಳನ್ನು ಬೀಳಿಸಲು ಖೆಡ್ಡಾವನ್ನೇ ತೋಡುತ್ತಿದ್ದಾರೆ. ಅವರಿಗೆ ನಾವೆಲ್ಲರೂ ಸಾಥ್ ನೀಡೋಣ.

ಒಮ್ಮೆ ಇಲ್ಲಿ ಭೇಟಿ ಕೊಡಿ. http://www.bharatswabhimantrust.org/bharatswa/




 ಭೋಲೋ ಭಾರತ್ ಮಾತಾಕೀ ... ಜೈ. !


ಶನಿವಾರ, ಏಪ್ರಿಲ್ 23, 2011

ಬಹು ಉಪಯೋಗಿದೊಡ್ಡಪತ್ರೆ






ಸ್ಥಳೀಯ ಹೆಸರು :     ದೊಡ್ಡಪತ್ರೆ,ಸಂಬಾರ ಸೊಪ್ಪು.
 ಕುಟುಂಬ : ಲ್ಯಾಮಿನೆಸಿ (laminaceae)  
 ಸಸ್ಯ ಶಾಸ್ತ್ರೀಯ ಹೆಸರು :ಕಾಲಿಯಸ್ ಅರೋಮ್ಯಾಟಿಕಸ್
(caleus aromaticus)   
ಮೂಲ:ಭಾರತ,ಸೀಕಾಲ್ಸ ದ್ವೀಪ ಹಾಗೂ ಆಗ್ನೇಯ ಏಶಿಯಾ.


ಬಹಳ ಹಿಂದಿನ ಕಾಲದಿಂದಲೂ ಮಾನವನು  ನಿಸರ್ಗದ ಸಸ್ಯ ವೈವಿಧ್ಯಗಳಲ್ಲಿ ತನ್ನ ಹಲವು ಅವಶ್ಯಕತೆಗಳನ್ನು ಪೂರೈಸಿಕೊಂಡು  ಬೆಳೆದು ಬಂದಿದ್ದಾನೆ.   ಇವುಗಳಲ್ಲಿ ಔಷಧ ಹಾಗೂ ಅಡುಗೆ ಇವೆರಡಕ್ಕೂ ಬಳಕೆ ಆಗುವ ಹಲವಾರು ಸಸ್ಯ ವೈವಿಧ್ಯಗಳು ನಮ್ಮ ಸುತ್ತಲಿನಲ್ಲಿ ಬಹಳಷ್ಟಿದೆ ಅವುಗಳಲ್ಲಿ ದೊಡ್ಡಪತ್ರೆಯೂ ಒಂದು.                                    
 ಅರ್ಧದಿಂದ ಎರಡು ಅಡಿ ಬೆಳೆಯುವ ದಪ್ಪನೆ ಎಲೆಯುಳ್ಳ ದೊಡ್ಡಪತ್ರೆ  ಗಿಡದ  ಎಲೆಯ ಅಂಚು ಗರಗಸದಂತಹ ಆಕಾರದಲ್ಲಿರುತ್ತದೆ. ಸಾಮಾನ್ಯವಾಗಿ ನೀರು ಬಸಿದು ಹೋಗುವ ಸ್ಥಳಗಳಲ್ಲಿ ಕಂಡುಬರುತ್ತದೆ..
ಅಡುಗೆ:  ದೊಡ್ಡಪತ್ರೆಯ ಎಲೆಯಿಂದ ತಯಾರಿಸಿದ ಸಾಂಬಾರು, ಚಟ್ನಿ,ದೋಸೆ ,ಗೊಜ್ಜು ,ತಂಬಳಿಗಳು ರುಚಿಕರ ಅಷ್ಟೇ ಅಲ್ಲ ಆರೋಗ್ಯಕ್ಕೆ ಹಿತಕರ ಕೂಡಾ ಹೌದು. ಮಸಾಲೆ ಬೆರಸಿದ ಕಡಲೆ ಹಿಟ್ಟಿನ ಜೊತೆ ಈ ಗಿಡದ ಎಲೆಯನ್ನು ಎಣ್ಣೆಯಲ್ಲಿ ಕರಿದರೆ ಬಾಯಲ್ಲಿ ನೀರೂರಿಸುವ ಬಜೆ ಸಿದ್ದ. ಅಲ್ಲದೇ ಇದನ್ನು  ಸಣ್ಣಗೆ ಹೆಚ್ಚಿದ ಈರುಳ್ಳಿಯ  ಜೊತೆ ಇದರ  ಎಲೆಯನ್ನು ಹೆಚ್ಚಿ  ಕಡಲೆ ಹಿಟ್ಟಿನಲ್ಲಿ ಕರಿದು  ಬೋಂಡಾ ಮಾಡಬಹುದು.
ಔಷಧ:ಶೀತ ನೆಗಡಿ ಕಫದ ತೊಂದರೆಗಳಲ್ಲಿ  ಈ ಗಿಡದ ಎಲೆಯ ರಸವನ್ನು ಜೇನುತುಪ್ಪದ ಜೊತೆ ಬಳಸಿದಾಗ   ಪರಿಣಾಮಕಾರಿ  ಮನೆ ಔಷಧವಾಗಿ  ಪರಿಣಾಮ ಕಂಡುಬಂದಿದೆ.
 ಯಾವುದೇ ಸಮಯದಲ್ಲೂ ದೊಡ್ಡಪತ್ರೆ ಗಿಡದ ಕಾಂಡದ ಭಾಗವನ್ನು ಕುಂಡ ಅಥವಾ ಪ್ಲಾಸ್ಟಿಕ್ ಚೀಲದಲ್ಲಿ ತಾರಸಿ ಮನೆಗಳಲ್ಲೂ ಸುಲಭವಾಗಿ ಬೆಳಸಿಕೊಳ್ಳಬಹುದು. ಅಡುಗೆ,ಔಷಧ,ಹಾಗೂ ಅಲಂಕಾರಿಕವಾಗಿ ಬೆಳೆಸಿಕೊಳ್ಳಲು ಸುಲಭವಾಗಿ ಬೆಳೆಯುವ ಅಪರೂದ  ಗಿಡವಿದು.                                                 
                                                                     ಜಗದೀಶ ಬಾಳೆಹದ್ದ.

(ಉದಯವಾಣಿ ದಿನಪತ್ರಿಕೆಯ ಕೃಷಿಸಂಪದ ಪುರವಣಿಯಲ್ಲಿ ಪ್ರಕಟವಾದ ಲೇಖನ.)



ಭಾನುವಾರ, ಡಿಸೆಂಬರ್ 5, 2010

ಯಕ್ಷಗಾನ- ಕ್ಲಿಕ್ಸ್.

ಗೆಳೆಯ ಗಣಪತಿಭಟ್ಟರ ಒಲಂಪಸ್ ಕ್ಯಾಮರದಲ್ಲಿ ತೆಗೆದ ಫೋಟೋಗಳಿವು. ಈ ಕ್ಯಾಮರದಲ್ಲೇ fisheye  effect ಹಾಗೂ   drawing effect   ಫೋಟೋತೆಗೆದಿದ್ದು  ಈ ಕ್ಯಾಮರಾ ಫೋಟೋಶಾಪ್  ಮಾಡುವಕೆಲಸ ಹಗುರವಾಗಿಸಿದೆ.


 .      ರಂಗಸ್ಥಳದ ನೋಟ






                                           Fisheye  effect




                                                          
                                                  ಸಾಕು ಸಾಕು ನಿನ್ನ ಪೌರುಷ!


.




                                          ಚೌಕಿಯಲ್ಲಿ ಸ್ತ್ರೀ ಪಾತ್ರಧಾರಿ






                                                        

 ಚಂಡೆವಾದನದಲ್ಲಿ  ಹಿಮ್ಮೇಳದ ಕಲಾವಿದ






 ಸ್ತ್ರೀ ಪಾತ್ರಧಾರಿಯ ಕನ್ನಡಿಯಲಿ ಇನ್ನೊಬ್ಬ ಕಲಾವಿದನ ಬಿಂಬ.


ಈ ಹಿಂದೆ ತೆಗೆದ ಯಕ್ಷಗಾನದ ಫೋಟೋಕ್ಕಾಗಿ ಇಲ್ಲಿ   ನೋಡಿ.http://nammolage.blogspot.com/2010_05_01_archive.html

ಮಂಗಳವಾರ, ನವೆಂಬರ್ 9, 2010

ಜಲ್ ಜಲ ಧಾರೆಯ ಅವಾಂತರ


  ಕೃ
ಷಿಬದುಕಿನ ಸುಗ್ಗಿಯ  ಆರಂಭದ ಕಾಲವಿದು. ಗದ್ದೆ ಕೊಯ್ಲು,ಅಡಿಕೆಕೊಯ್ಲಿಗೆ ಇದು ಸಕಾಲ.ಆದರೆ  ಅಕ್ಟೋಬರ್ ೨೮ ರಂದು ದಕ್ಷಿಣ ಚೈನಾ ಸಮುದ್ರತೀರದಲ್ಲಿ ಜನಿಸಿದ ಜಲ್ ಹೆಸರಿನ ಚಂಡಮಾರುತವು ಭಾಗಶಃ ಕರ್ನಾಟಕವನ್ನು ತೋಸಿಯಿ ಜನಸಾಮಾನ್ಯರ ಬದುಕಿನ ಹಾದಿ ತಪ್ಪಿಸುತ್ತಿದೆ.
                                  ಚಂಡಮಾರುತ ಸಾಗಿಬಂದ ಹಾದಿ.


ತಕಾರಿ ಬೆಳೆ,ತೊಗರಿ ಬೆಳೆ,ಈರುಳ್ಳಿ,ನೆಲಗಡಲೆ ಹೀಗೆ ಹತ್ತು ಹಲವು ಬೆಳೆಗಳು ಇನ್ನೇನು ಕೈಗೆ ಬರುವ ಹಂತದಲ್ಲಿ  ಜಲ್ ಚಂಡಮಾರುತಕ್ಕೆ ಈಗಾಗಲೇ ಸಿಕ್ಕಿ  ಹಾಳಾಗಿದೆ.  ಭರ್ತಿಯಾದ ಅಣೇಕಟ್ಟುಗಳು ಈಗ ಮತ್ತೊಮ್ಮೆ ಹೆಚ್ಚುವರಿ ನೀರು ಬಿಡಲು ಸಜ್ಜಾಗುತ್ತಿವೆ.ಅಣೇಕಟ್ಟುಗಳು ತುಂಬಿದೊಡೆ ಕರೆಂಟಿಗೆ ಬರವಿಲ್ಲದಿದ್ದರೂ ಕೃಷಿ ಉತ್ಪನ್ನಗಳಿಗೆ ಬರದ ಛಾಯೆ ಕಾಡುತ್ತಿದೆ. ಉತ್ತರ ಕರ್ನಾಟಕ ಈಗಾಲೇ ಮಹಾಪೂರಕ್ಕೆ ನಲುಗಿ ಚೇತರಿಕೆಯ ಹಾದಿಯಲ್ಲಿರುವಾಗಲೇ ಜನರ ಹೊಸ ಬದುಕ ಕನಸಿಗೆ ಜಲ್ ಚಂಡಮಾರುತವು  ಬರೆ ಹಾಕತೊಡಗಿದೆ.
ಮಂದ ತೇವಾಂಶ ಭರಿತ ವಾತಾವರಣದಿಂದ ಈಗಾಗಲೇ ಕಟಾವಾದ ಆಹಾರ ಧಾನ್ಯಗಳು ಹಾಳಾಗುತ್ತಿದೆ.ಮಳೆಹನಿಯ ಅಬ್ಬರವಿಲ್ಲದಿದ್ದರೂ ಅಕಾಲದ ಮಳೆ ಎಲ್ಲರಿಗೂ ಅನಾನುಕೂಲವಾಗಿ ಪರಿಣಮಿಸಿದೆ.
                                      ತಯಾರಿ ಹಂತದ ಪಾಲಿಹೌಸ್



ಈ ನಡುವೆ ಕೃಷಿ ಉತ್ಪನ್ನಗಳನ್ನು ಒಣಗಿಸಲು  ಕೆಲ ರೈತರು  ಡ್ರಾರ್ಯರ್, ಯು ವಿ ಪ್ಲಾಸ್ಟಿಕ್ ಬಳಸಿ ಮಾಡಿದ ಪಾಲಿಹೌಸ್ ಗಳಿಗೆ ಮೊರೆ ಹೋಗಿದ್ದಾರೆ.(ಇವು ತಾತ್ಕಾಲಿಕ ಹಾಗೂ ಸ್ವಲ್ಪ ಶ್ರಮ ದಾಯಕ. ಬಿಸಿಲಿನಲ್ಲಿ ಸಂಸ್ಕರಣೆ ಮಾಡಿದಷ್ಟು ಸುಲಭವಲ್ಲ.)
  ಚಂಡಮಾರುತ ಈಗಾಲೇ ತನ್ನ ಪ್ರಭಾವ ಬೀರುತ್ತಿದ್ದು ಮುಂದೆ ಯಾವ ಬದಲಾವಣೆ ಆಗಬಹುದೆಂದು ಕಾದು ನೋಡಬೇಕಿದೆ.ಒಣ ಹವೆ ಮುಂದುವರಿದಲ್ಲಿ ಮಾತ್ರ ಕೃಷಿಕರು ನೆಮ್ಮದಿಯ ನಿಟ್ಟುಸಿರು ಬಿಡಬಹುದು. ಎಲ್ಲರೂ ಅದಕ್ಕೇ  ಕಾಯುತ್ತಿದ್ದಾರೆ.

ಬುಧವಾರ, ಅಕ್ಟೋಬರ್ 6, 2010

ಹಂಪಿಯಲ್ಲೊಂದು ಸುತ್ತು.

ಹಂಪಿಯು ೧೫ ನೆ ಶತಮಾನದಲ್ಲಿ    ಭವ್ಯ  ಆಡಳಿತಕ್ಕೆ ಸಾಕ್ಷಿಯಾಯಿತು. ವಿಜಯನಗರ ಸಾಮ್ರಾಜ್ಯವು ೧೩೩೬ ರಲ್ಲಿ ಹಕ್ಕಬುಕ್ಕರಿಂದ ಸ್ಥಾಪಿತವಾಗಿ ೧೫೬೫ ರವರೆಗೆ  (೨೨೯ ವರ್ಷ) ತನ್ನ ವೈಭವವನ್ನು ಮೆರೆಯಿತು.

 

.
                                        

 ಆ ಕಾಲದಲ್ಲಿ ಕಡೆದಿಟ್ಟ ಬೃಹತ್ ದೇವಾಲಯಗಳು,ಕೋಟೆಗಳು,ಮಾರುಕಟ್ಟೆಗಳು ಮಹಾನವಮಿ ದಿಬ್ಬ,ಕಲ್ಲಿನ ರಥ, ಪುಷ್ಕರಿಣಿ, ಕಲ್ಲುಬಂಡೆಗಳ ಮೇಲೆ ರಚಿಸಲ್ಪಟ್ಟ ಮಂಟಪಗಳು ಜಗತ್ತಿನಾದ್ಯಂತ ಪ್ರವಾಸಿಗರನ್ನು  ಇಂದಿಗೂ ಆಕರ್ಷಿಸುತ್ತಿದೆ.

                                     ಆನೆ ಲಾಯ


                         ಜಗತ್ ಪ್ರಸಿದ್ದ ಕಲ್ಲಿನ ರಥ.


ಕಲ್ಲಿನ ರಥದ ಸಮೀಪವಿರುವ ಸಂಗೀತನಾದ ಹೊಮ್ಮಿಸುವ ಕಲ್ಲು ಕಂಭದ ದೇವಾಲವು ದುರಸ್ತಿಗೆ ಶುರುವಾಗಿ ಮೂರು ವರ್ಷಗಳಾದರೂ ಇನ್ನೂ ಪೂರ್ಣಗೊಂಡಿಲ್ಲ.ಅನೆಲಾಯ, ಲೋಟಸ್ ಮಹಲ್, ಗಣೇಶ ವಿಗ್ರಹಗಳು ಸುಂದರವಾಗಿದೆ.

                                     ಕಮಲ್ ಮಹಲ್.

                                  
                                                       
ಹಿಂದೊಮ್ಮೆ ಹೆಮ್ಮಯ ನಗರವಾಗಿದ್ದ ಹಂಪಿ ಮಾನವನಿಂದ  ಬಹುಪಾಲು ಧ್ವಂಸಗೊಂಡಿದೆ.ಕೆಲವು ಕಾಲದ ಹೊಡೆತಕ್ಕೆ ಬಲಿಯಾಗಿದೆ. ಆದರೂ ಇಲ್ಲಿನ ಐತಿಹಾಸಿಕ ಸ್ಮಾರಕಗಳ ಭಗ್ನಾವಶೇಷಗಳು ಒಂದು ಕಾಲದ ಗತವೈಭವದ ಸಾಕ್ಷಿಯಾಗಿದೆ.

ಶುಕ್ರವಾರ, ಸೆಪ್ಟೆಂಬರ್ 10, 2010

ಪ್ಯಾಷನ್ ಹಾಗೂ ಗಣೇಶ




 
ಹಬ್ಬ ಬಂದೇ ಬಿಡ್ತು.ತಗೋಳಿ ಪಟಾಕಿ,ಸಿಹಿ ತಿಂಡಿ,ಹತ್ತು ಹಲವು ಬಗೆಯ ಸಂಭ್ರಮ. ಎಲ್ಲರಿಗೂ ಹೊಸ  ಹುರುಪು. ಹೌದು ಗಣೇಶನ ಮಹಿಮೆಯೇ ಅಂತಹುದು.ಭಕ್ತಿಯಿಂದ ಆತನನ್ನು ನೆನೆದಲ್ಲಿ  ಆತ ನಮ್ಮ ಕೈ ಬಿಡಲಾರ ಎಂಬ ನಂಬಿಕೆಯಿಂದ ಆಸ್ತಿಕತೆಯು ನಮ್ಮಲ್ಲಿ ಉಳಿದಿದೆ.  ಕಾಲಕ್ಕೆ ತಕ್ಕಂತೆ ಭಕ್ತಾದಿಗಳು ತಮ್ಮ ಶಕ್ತ್ಯಾನುಸಾರವಾಗಿ  ಗಣಪನನ್ನು ಮನೆಗೆ ಕರೆಸಿ ಅಥವಾ ಮನೆಯಲ್ಲಿ ವಿಶೇಷ ಪೂಜೆಯ ಮೂಲಕ ಹಬ್ಬ ಆಚರಿಸುತ್ತಿದ್ದಾರೆ.
                                                    
ಪ್ಯಾಷನ್ ವಿಷಯಕ್ಕೆ ಬರುವದಾದರೆ;
 ನಾನು ಇದುವರೆಗೂ  ಗಣೇಶನ ಬಗೆ ಬಗೆಯ ಕಾರ್ಟೂನ್ ಗಳನ್ನು ಓದಿ ನಕ್ಕಿದ್ದರೆ ಸಂತೋಷದಿಂದಲ್ಲ  ಅದು   ವಿಷಾದದಿಂದ.  











ಬಹುಶಃ ಕೆಲವು ವ್ಯಂಗ್ಯಚಿತ್ರಕಾರರು  ಗಣೇಶನ ಹಬ್ಬಕ್ಕೆ ಕಾಯುತ್ತಿದ್ದರೆನೋ ಎಂಬಂತೆ ಭಾಸವಾಗುತ್ತದೆ.         ಪಾರ್ವತಿಯು ಕೈಲಾಸದಿಂದ ಗಣೇಶನಿಗೆ ನಮ್ಮಲ್ಲಿಯ ಟ್ರಾಫಿಕ್,ಬೆಲೆ ಏರಿಕೆ,ರಸ್ತೆಯ ಹೊಂಡ ಇನ್ನಿತರ ದಿನನಿತ್ಯ ಕಂಡು ಬರುವ ರಗಳೆಯ ಬಗ್ಗೆ ಎಚ್ಚರಿಸುತ್ತಾಳೆ .ಈ ಬಗ್ಗೆ  ಬಿಡಿಸಿದ ಕಾರ್ಟೂನ್ ತಮ್ಮ ಟೇಬಲ್ಲಿಗೆ ಬರುವದೇ ತಡ ಪತ್ರಿಕೆಯವರು ಛಾಪಿಸಿ ಕುಳಿತುಬಿಡುತ್ತಾರೆ.  
ಕೆಲವು ವಿಗ್ರಹ ತಯಾಕರು ಜನಾಗ್ರಹ ಆಥವಾ ತಮ್ಮ ನೈಪುಣ್ಯ ಪ್ರದರ್ಶನಕ್ಕೆ ಬೇಕಾಬಿಟ್ಟಿಯಾಗಿ ಗಣೇಶನನ್ನು ತಯಾರಿಸುತ್ತಿದ್ದಾರೆ ಅದನ್ನು ಜನರು ಕೊಳ್ಳುತ್ತಿದ್ದಾರೆ. (ಉದಾ: ರಾಜಕಾರಣಿ  ಗೆಟಪ್ಪಿನ ಗಣೇಶ,ಮಿಲಿಟರಿ ಬಂಕೂಕುಧಾರಿ ಗಣೇಶ,  ಕ್ರಿಕೆಟ್ ಬ್ಯಾಟ್ ಹಿಡಿದ  ಗಣೇಶ)  ಇದು ಬಹುಶಃ ಹಿಂದೂ ಧರ್ಮದಲ್ಲಿ ಅದೂ ಭಾರತದಲ್ಲಿ ಮಾತ್ರ ಕಾಣಬಹುದೇನೋ? ನಮ್ಮ ಧರ್ಮದ ದೇವರ ವ್ಯಂಗ್ಯಚಿತ್ರವನ್ನು ನೋಡಿ ಇತರರು ನಗುತ್ತಾರೆ.ಅದಕ್ಕೆ ನಾವೂ ನಗಬೇಕೆ? ಗಣಪ ಆ ಮಟ್ಟಿಗೆ ತಮಾಶೆಗೆ ಒಳಪಡುವ ದೇವರೇ? ನಾನು ಉತ್ತರಕ್ಕೆ ಕಾಯುತ್ತಿದ್ದೇನೆ.


ಈ ತರಹದ ನಮ್ಮಲ್ಲಿಯ ಭಾವನೆ ಇರುವದಲಿಂದಲೋ ಎನೋ ವಿದೇಶಗಳಲ್ಲಿ ಚಪ್ಪಲಿ,ಇನ್ನಿತರ ವಸ್ತುಗಳಮೇಲೆ ಹಿಂದೂ ದೇವರ ಚಿತ್ರಗಳ ಪ್ರಕಟನೆಯಾಗುತ್ತಿರುತ್ತದೆ.ಅದರ ಬಗ್ಗೆ  ಆ ದೇಶವಾಸಿ ಭಾರತೀಯರ ಹಮ್ಮಿಕೊಂಡ ಪ್ರತಿಭಟನೆ ಬಗ್ಗೆ ನೀವು ಹಿಂದೆ ಓದಿರಬಹುದು. ಈಗ ಪ್ಯಾಷನ್ ಗೆ ಹೊಸ ಸೇರ್ಪಡೆ. ಅಂತರ್ಜಾಲದಲ್ಲಿ  ಗಣಪನ ಟ್ಯಾಟೂಗಳನ್ನು ಹಾಕಿಸಿಕೊಂಡ ಹೈಕುಳುಗಳ ಚಿತ್ರ!.
ಮಾಧ್ಯಮ, ಹಾಗೂ ವ್ಯಾಪಾರಿ ರಂಗದಲ್ಲಿ ದೇವತೆಗಳನ್ನು ತಮಗೆ ಬೇಕಾದ ಹಾಗೆ ಬಳಸಿಕೊಳ್ಳುತ್ತಿರುವ ಬಗ್ಗೆ ವಿಷಾದವಿದೆ.ನನಗನಿಸಿದಂತೆ ನಮ್ಮ ವ್ಯವಸ್ಥೆಯೇ ಅದಕ್ಕೆ  ಹೊಂದಿಕೊಂಡಂತಿದೆ.